• :16781
  • ابحث عن طبيبك
  • احجز عيادتك
  • |
×

إيه هو أنسب وقت لغسيل الأسنان؟

غسيل الأسنان أهم خطوة من خطوات الإهتمام بصحة أسنانك. ولكن المضوع مش بس إنك تغسل أسنانك بانتظام ولكن توقيت غسيل الأسنان بيفرق جداً. 

أوعى تغسل أسنانك بعد الأكل مباشرةً!
بعد أكل أو شرب أي حاجة حمضية زي العصائر والطماطم والفواكه المالحة لازم تتمضمض بالماية مباشرةً. وبعد 30 دقيقة اغسل سنانك بالفرشاة والمعجون.
وده لأنك لما بتقوم بغسيل الأسنان بعد الأكل مباشرةً أنت بتقوم بإدخال الأحماض المتكونة في الفم داخل طبقة المينا مما يضرها و يسرع من تآكل الطبقة الخارجية اللامعة.


قبل أو بعد القهوة؟   
واظب دايماً على إنك تغسل سنانك بعد 30 إلى 60 دقيقة من شرب القهوة. ولكن حافظ على شرب الماء بجانب القهوة عشان تمنع إصفرار الإسنان وظهور بقع داكنة عليها. لازم برده تمضمض كويس بالماية بعد الإنتهاء من شرب القهوة أو أي مشروب تاني بيسبب تلون الأسنان زي الكولا والشاي والكاكاو.



قبل أو بعد الفطار؟
معادلة التسوس عبارة عن:
البكتيريا المجودة في طبقة البلاك + المواد الكربوهيدراتية = الأحماض.
الأحماض هي السبب الرئيسي للتسوس. لازم تمنع تواجد المواد الكربوهيدراتية مع البلاك في نفس الوقت عشان تمنع تكون الأحماض وبالتالي تمنع التسوس. عشان كدة لازم تغسل سنانك قبل الأكل عشان تتخلص من البلاك وتمنع تكوين الأحماض وتحمي أسنانك من التسوس. 

الخلاصة 
-إغسل سنانك قبل الأكل.
-مضمض بالمياة كويس بعد الأكل أو الشرب للتخلص من البقايا.
-إستخدام غسول الفم هيساعد على تنظيف فمك وأسنانك ويحافظ على لثة صحية.

اترك تعليق

بريدك الألكترونى ليس للنشر والحقول المطلوبة مشار اليها ب *